我好想話俾一個人聽，情人節嗰個weekend我得閒，然後我會問佢做咩問起，佢會話冇呀睇吓你咩之嘛。可惜，我首先要搵倒個咁嘅人，又或者俾佢搵倒我。冇。情人節仲有一個月就到，越嚟越肯定唔會有。連我阿婆都話2月13要去筲箕灣飲阿邊個結婚。咁2月14呢？佢話就係唔記得2月13定14。我打俾Backstage，問情人節嗰個wekend你地有冇場，佢地問我做咩問起，我話冇呀睇吓你地咩之嘛。就係咁，情人節嗰個weekend，我決定左唔得閒，做多幾場【飲嘢】，嗰幾晚飲多啲嘢；冇情，飲酒飽。咁就咁啦，或者飲飲吓會飲倒啲嘢出嚟呢。早啲 plan定，好過到時冇景。這就是我那無懈可擊的生命。
今日開售到時見。• •
No comments:
Post a Comment